RAUWOLFIUS Leonhardus

RAUWOLFIUS Leonhardus

Augustâ-Vindelicus, Medicus et Botanicus insignis, Senatûs permissu, Orientale iter ingressus A. C. 1573. Syriam, Iudaeam, Arabiam, Mesopotamiam, Babyloniam, Assyriam Armeniamque perlustravit, nec solum mores ac sacra incolarum, sed herbas et alia ad rem Medicam facientia, observavit collegitque, editô Hodaeporicô seu Itinerario Orientis. Reversus ad suos A. C. 1576. duodecenniô post, cum omnibus ad Romanam Ecclesiam transire nolentibus stipendia renuntiata essent, ille utpote Reformatae Religioni addictus Lincium commigravit, Poliatri ibi Archiducumque Archiatri officiô functurus. Floruit circa A. C. 1588. Melch. Adami, Vitis Medicorum.